خطابــات الضمــــان .
خطابات الضمان :
كما علمنا ان خطابات
الضمان هى مبلغ تامين نودعه فى البنك ( نظريا ) او يخصمه البنك من حسابنا لديه
مقابل ان يطلع لنا خطاب الضمان و ده بيكون لحساب وباسم المالك لضمان جديه التعامل
وحسن التنفيذ ولا يحق للمالك ان يصرفه كله او جزء منه الا فى حاله عدم تنفيذنا
الاعمال الموكله الينا بالصوره المنصوص عليها فى العقد وباختصار هناك عده انواع من
خطاب الضمان هما :
1.
خطاب ضمان ابتدائى : وده بيقدم عند
دخول المناقصه وبيرد لينا لو لم ترسى علينا المناقصه و يحق للعميل ان يصرفه اذا
رست المناقصه علينا و لم نبداء فى العمل و نفضنا للمقاوله .. يروح العميل ( اللى
هوا مالك المشروع ) ياخد الخطاب ده من البنك و البنك بدوره بيخصمو مننا و ذلك لان
العميل بيعمل مناقصه تانى و بيتكبد مصاريف كتيررررر و ده التعويض بتاعه .
2.
خطاب ضمان نهائى : بعد رسو المناقصه
علينا , البنك بيرد او بيفرج عن خطاب الضمان الابتدائى ( بيرجع لحسابنا فى البنك )
و بنقدم خطاب ضمان نهائى للمالك او العميل ,,,و الخطاب ده بيضمن للمالك اننا منجيش
فى وسط المقاوله و نخلع يعنى زى ما تقول كده تامين ليه علشان لو احنا خلعنا هوا
يسحب الفلوس دى من البنك و يتصرف بقا و يجيب مقاول تانى يكمل او ما يراه ... و خلى
بالك ان الخطاب ده بيترد كله فى نهائه المقاوله ,,
3.
خطاب ضمان الدفعه المقدمة : هو خطاب الضمان اللى احنا بنقدمه للمالك عندما ناخذ دفعه مقدمه من
المالك فى بدايه المشروع وده احنا بنعمله
علشان لو اخدنا الدفعه المقدمه و احنا اصلا مشتغلناش فى المشروع و رحنا هووووب
نفضنا للمشروع ,, المالك ساعتها يروح البنك بمنتهى البساطه و ياخد قيمه الخطاب
اللى هى قيمه الدفعه المقدمه و بكده يكون ضمن حقه و محدش يضحك عليه ,,,,
4.
خطاب ضمان حسن التنفيذ : زى ما قلنا ان المالك بيخصم
من المقاول مبلغ 10% مثلا بعد الانتهاء من المشروع لضمان حسن التنفيذ ( يعنى مش
نلزق الشغل وبعد يومين يبوظ ) و بعد سنه من تسليم المشروع للمالك بيردلنا مبلغ
الخصم ده ... وساعات انا بحتاج سيوله ف بعمل خطاب ضمان علشان اخد الفلوس دى من
المالك ,, ولو حصل اى مشكله المالك ممكن يصرف خطاب الضمان ده من البنك .. يبقى انا
فكيت زنقه الفلوس عندى وفى نفس الوقت المالك عنده ضمانه .
نفهم من السابق ان المالك بيامن نفسه عن طريق خطابات الضمان دى و اننا
كشركه بنعمل قدر المستطاع لتنفيذ المقاوله بالمواصفات المطلوبه و المنصوص عليها فى
كراسه الشروط و فى الوقت المحدد حتى نتجنب الغرامات و خلافه ....
.وبدون كلام كتير تعالى
ناخد مثال عملى سريع ... J
مثال : قدمت
شركه الهاشم مناقصه لبناء برج الهاشم برضو بقيمه 10 م جنيه ولدخول المناقصه لازم
خطاب ابتدائى بقيمه 1% من العقد والخطاب النهائى ب 10 % من العقد,, اما البنك
فبياخد على الخطاب الابتدائى غطاء 10% وعموله 3فى الالف لكل 3 شهور ومصاريف 100
جنيه اما الخطاب النهائى بياخد عليه غطاء 25 % وعموله 6 فى الالف ومصاريف 600 جنيه
للسنه .اشتغل بقا ,,,
الحل
:اولا نفهم ان الغطاء ده
مبلغ البنك بيخصمه من حسابنا وبيكمل الباقى من عنده علشان كده بياخد عموله ومصاريف
يعنى بياخد مننا 10% وبيكمل 90 % من الابتدائى وكذلك الحال فى النهائى ولو ان
النسبه اكبر لان المبلغ اكبر . تعالى بقا نطلع المعلومات علشان نحل المثال .
بالنسبه للمقاوله : قيمه المقاوله 10 مليون , الابتدائى =1% , والنهائى
= 10% .
بالنسبه للبنك :ابتدائى: غطاء = 10% وعموله 3/1000 ربع سنوى , مصاريف
100 للفتره .
نهائى : غطاء =
25% وعموله 6/1000 سنوى , مصاريف 600 سنوى .
خلاص طلعنا المعلومات
تعالى نشتغل بقا يا برنس ....,,,,,
قيمه الخطاب
الابتدائى = 1% من المقاوله = 1% × 10م = 100000 ,
قيمه الخطاب النهائى = 10% من المقاوله = 10% ×
10 م= 1 مليون ,
غطاء للابتدائى = 100000×
10% = 10000 ج ,غطاء للنهائى = 1م × 25% = 250000 ج
,
العمولات البنكيه : الابتدائى
: عموله 3/1000 من قيمه غطاءالبنك = 90000×3/1000 = 270 ج
العمولات البنكيه : النهائى
: عموله 6/1000 من قيمه غطاءالبنك = 750000×6/1000 = 4500
ج
المصاريف البنكيه : ابتدائى
: العموله 100 جنيه للفتره ( 3 شهور ) وغالبا يكون
مدته كده ولا تزيد بس احنا هنزودها علشان نعرف المعالجه بتكون ازاى لما نمدد خطاب
الضمان .
المصاريف البنكيه :
نهائى :600 لكل سنه .وتجدد فى الميعاد .
بعد ما طلعنا المعلومات
تعالى نشوف قيود اليومية ,,,,,Q
|
1 – عند عمل وتقديم خطاب الضمان الابتدائى
|
|||
|
10000
270
100
|
10370
|
من مذكورين
ح/ غطاء خطاب الضمان - الهاشم
ح/عموله خطاب الضمان
ح/مصاريف بنكيه – خطابات ضمان
الى ح / البنك
|
عمل خطاب الضمان من البنك وتقديمه الى المناقصه وممكن
المناقصه لا ترسو علينا وده نشوفو تحت . وممكن نحمل العمولات والمصاريف على م
عموميه علطول بدل ما نفتح حسابين مصاريف وعمولات
|
|
2 – لو لم ترسو علينا المناقصه بيرد اينا الغطاء والباقى بيدخل
مصاريف عموميه واداريه عادى جدا
|
|||
|
10000
|
10000
|
من ح / البنك
الى ح / غطاء
خطابات ضمان - الهاشم
|
رد قيمه خطاب الضمان من البنك بعد استلام الخطاب من الجهه
المقدم اليها وتسليمه للبنك والغاؤه .
|
|
3 – عند رسو المناقصه علينا بنستلم الخطاب الابتدائى ونقدم خطاب
نهائى بس الاول نقفل العمولات فى م عمليات نفتحها باسم المشروع وبعدين نعمل
ونقدم الخطاب النهائى علشان ناخد الدفعه المقدمه والخطوات كالتالى ؛
|
|||
|
370
|
270
100
|
من ح / م عمليات – الهاشم
الى مذكورين
ح/ عموله خطابات ضمان
ح/مصاريف
|
بنحمل مشروع الهاشم ( مركز تكلفه ) بالمصاريف اللى كنا
حملناها عموميه علشان نقفلها. ودى اول
خطوه فى المشروع
|
|
4 – بنرد الخطاب الابتدائى للبنك ونسترد قيمته .
|
|||
|
10000
|
10000
|
من ح / البنك
الى ح / خطابات
ضمان - الهاشم
|
ردينا الخطاب الابتدائى واخدنا قيمته من البنك عادى جدااا
|
|
5 – نفتح خطاب نهائى علشان نسلمه للمشروع ويعتمد ونبداء الشغل .
|
|||
|
250000
4500
600
|
255100
|
من مذكورين
ح/غطاء خطابات ضمان نهائيه – الهاشم
ح/م عمليات الهاشم – عمولات بنكيه
ح/ م عمليات الهاشم – م بنكيه
الى ح/ البنك
|
فتحنا خطاب ضمان نهائى وخلى بالك اننا علينا على م عمليات العملات
والمصاريف البنكيه علطوووول .
|
|
6 - ممكن البنك لما ياخد اخطاب الابتدائى يعمل النهائى علطول
وتبقى الخطوه كده
|
|||
|
250000
4500
600
|
10000
245100
|
من مذكورين
ح/غطاء خطابات ضمان نهائيه – الهاشم
ح/م عمليات- الهاشم – عمولات بنكيه
ح/ م عمليات- الهاشم – م بنكيه
الى مذكورين
ح/غطاء خطاب
ابتدائى
ح/بنك
|
يعنى البنك خصم قيمه الابتدائى ولم يرده للحساب وكمل الباقى
يعنى خطوه واحده مش اتنين وده بيعتمد على المعالجه اللى بتوصل لينا من البنك
وعلى ضوئها بنشتغل . يعنى خطوه او اتنين مش فارقه هى هى نفس النتيجه المهم اننا
نكون مفتحين .
|
كده عرفنا ازاى بنعمل
الخطابات الابتدائى والنهائى وبنقدمهم ومعامله البنك .. تعالى نشوف الدفعه المقدمه
و بفرض انها مليون جنيه يعنى 10 % من المقاوله و البنك بياخد غطاء 25 % و عمولات و
مصاريف بنفس بيانات النهائى وبلابلابلا,,, نعمل ايه ؟؟؟؟ عادى جدااااااااا يا برنس
,,,, نفس طريقه المعالجه :
|
250000
4500
600
|
255100
|
من مذكورين
ح/غطاء خطابات ضمان دفعه مقدمه – الهاشم
ح/م عمليات الهاشم – عمولات بنكيه
ح/ م عمليات الهاشم – م بنكيه
الى ح/ البنك
|
خلى بالك انها النسب
دى بتكون مختلفه من الخطاب الابتدائى للنهائى للدفع المقدمه و خلافهه ,,,,, بس
احنا عملنا كده للتبسيط و مش تتشتت اصلا . تانى حاجه هتلاقى معظم المعاجلات
متشابهه و مفيش فرق كبير بينهم اصلا و غير كده الخطابات دى كلها بتترد لحسابنا بعد
انتهاء العمليه و التسليم النهائى ..,,,,,
عند رد المبلغ بتاع
خطاب الضمان لينا بعد انتهاء الغرض منه بنعمل قيد :
×× من ح
/ البنك
×× الى ح / غطاء خطاب الضمان ( ابتدائى او نهائى او عفريت ازرق كله نفس المعالجه والفيد ).
حته كمان عاوز اقولها
الا وهى خطاب ضمان حسن التنفيذ : و ده قليل جداااا لو قابلته لان
العميل اصلا المفترض انه بيخصم مننا 10 % او 5 % من المقاوله زى ما قلنا ضمانا
للعمليه دى( و فى حالات بيخصم 10% بيرجع 5 منهم بعد الاستلام الابتدائى و 5 بعد
سنه ) ,, يعنى لو بعد ما سلمنا ب 4 شهور وجد ان التكييف لا يعمل او الصرف باظ او
بان شقوق الى الحوائط او او او .. العميل بيبلغنا علطول و احنا بنروح نصين المبنى
فوراااا علين لو مش عملنا كه هياخد هو من فلوسنا اللى عنده ,,,,,
يعنى خطاب حسن
التنفيذ ده او الصيانه قد تجده فى حالات قليله وده لما انا بسلم العمليه و مخصوم
منى 5% او 10 % وانا محتاج سيوله , وقتها بعمل خطاب ضمان علشان العميل يفرج عن
الفلوس اللى عنده بضمان البنك وبقدم خطاب ضمان ولو حصل وكان فى حاجه باظت وانا
مصلحتهاش ,,,, العميل بيصرف الخطاب او بيسيل خطاب الضمان من البنك بعد اجراءات
اداريه و روتينيه ..,,,
يارب نفهم و نرتاح
حتى ياتينا النجاح و نقول حى على الصلاه حى على الفلاح و هى حقا الفلاح .
تعليقات
إرسال تعليق