مثال عملي علي المشتريات والمبيعات محاسبة مالية
لازم تعرف ان البضاعه لو كانت مشتريات يعني اشتريت بضاعه هنا هتبقا البضاعه مدينه ومش بنكتبها بضاعه ف القيد بنكتب مشتريات او مبيعات .
مثال علي المشتريات :
قامت الشركه بشراء بضاعه بالاجل ب٥٠٠٠ج.
الحل:
٥٠٠٠ من ح/ المشتريات (بضاعه) .
٥٠٠٠الي ح/ الداينين .
مثال علي المبيعات :
قامت الشركه ببيع بضاعه بالاجل ب٦٠٠٠ج.
الحل:
٦٠٠٠ من ح/ المدينين
٦٠٠٠الي ح/ المبيعات
هنا المبيعات داينه ولما زادت تصبح داينه بردو
والمدينين هنا تعني ان الفلوس اللي للشركه عند الغير زادت وبالتالي تصبح مدينه لان لسه محصلتش الفلوس .
*******************************
قامت الشركه بدفع اجور ومرتبات العاملين ب١٠٠٠٠ج .
الحل:
١٠٠٠٠ من ح/ الاجور والمرتبات .
١٠٠٠٠ الي ح/ النقديه .
طبعا الاجور تعتبر مصروفات عالشركه والمصروفات بتقلل منها فتصبح مدينه
او بمعني اخر ان المصروفات زادت عالشركه فتصبح مدينه .
والنقديه طبعا اصلها مدين وطالما قلت تصبح ف الدائن.
********************************
قامت الشركه بسداد ثمن البضاعه التي سبق لها شراؤها بالاجل وحصلت علي خصم ١٠٠ج .
وقامت الشركه بتحصيل قيمه البضاعه التي سبق لها بيعها بالاجل ومنحت خصم ١٠٠ج .
الحل:
اولا قيد سداد الدائنين ..
٥٠٠٠ج من ح/ الداينين
٤٩٠٠الي ح/ النقديه
١٠٠الي ح/ الخصم المكتسب .
هنا طبعا الارقام تابعه للامثله السابقه
طبعا الداينين هنا الفلوس اللي ليهم خلاص اتسددت بالتالي تصبح ف المدين او بمعني اخر الفلوس اللي كانت علي الشركه خلاص سددتها وده ف صالحها اذن الدائنين تصبح ف الجانب المدين لانها قلت .
وطبعا الشركه دفعت نقدي اذن الخزنه اللي هيا اصلا مدينه قلت فتصبح ف
الداين .
وكمان الخصم المكتسب كما في القاعده السابقه انه خصم بتحصل عليه الشركه وده ف صالحها وطبعا الخصم المكتسب دائن ولما يزيد هيبقا داين زي ما هوا .
ثانيا .. قيد تحصيل المدينين .
٥٩٠٠من ح/ النقديه
١٠٠ من ح/ الخصم المسموح به
٦٠٠٠الي ح/ المدينين .
هنا طبعا الشركه حصلت فلوس يعني النقديه زادت فتصبح ف المدين
والخصم المسموح به ده الشركه هيا اللي بتديه او بتمنحه للمشتري وبالتالي هيقلل منها فيصبح ف المدين
وهنا طبعا المدنين الفلوس اللي عليهم اتسددت فتصبح ف الجانب الدائن
او بمعني اخر العبء اللي كان عالشركه قل فيصبح ف الجانب الداين
تعليقات
إرسال تعليق