انواع المخصصات:
١- مخصص هبوط اسعار اوراق ماليه .
٢- مخصص هبوط اسعار البضائع.
٣- مخصص ديون مشكوك في تحصيلها.
٤-مخصص اهلاك الاصول الثابته.
طبعا في انواع كتير بس هنشرح دول عشان معروفين اكتر .
اولا : مخصص هبوط اسعار ماليه:
وده مثلا لو عندي اوراق ماليه بقيمه ١٠٠٠دولار ومتوقع ان تنخفض قيمتها السوقيه ل٩٠٠دولار فأنا باخد من ارباح هذه الفتره ١٠٠٠دولار وبخليها مخصص لهبوط اسعار اوراق ماليه عشان لو انخفضت قيمتها بالسوق اكون عامل حسابي ومضطرش للاستلاف .
وطبعا القيد بيكون : من ح/ هبوط اسعار الاوراق الماليه ( مصروف ويظهر بقائمه الدخل)
الي ح/ مخصص هبوط اسعار الاوراق الماليه ( المخصص يظهر بقائمه المركز المالي).
ثانيا: مخصص هبوط اسعار البضاعه:
وده نفس الفكره السابقه والقيد كالاتي:
من ح/ هبوط اسعار البضاعه
الي ح/ مخصص هبوط اسعار البضاعه.
ثالثا: مخصص ديون مشكوك في تحصيلها:
مثلا لو عندي في حساب العملاء٤٠٠٠دولار لكن في زبون علي وشك الافلاس او مش هيقدر يسدد ديونه اذن هذه الدين بسميه ديون معدومه او مشكوك في تحصيلها وبالتالي تعتبر خساره للشركه فمثلا عندنا حساب العملاء في نهايه الفتره الماليه ٤٠٠٠دولار وفي منهم ١٠٠دولار مشكوك في تحصيلها يعني ممكن احصلها وممكن مقدرش احصلها فأنا منعا للخساره محتمله الحدوث هخصص مبلغ وده باخده من ارباح هذه السنه وبسميه ( مخصص ديون مشكوك في تحصيلها) . ففي حاله انه كل العملاء دفعو الفلوس اللي عليهم برجع قيمه المبلغ للارباح ولو في ديون بخصص هذه الخساره للمخصص اللي عملته . لان الديون المعدومه خساره للشركه وليست مصروف . وطبعا القيد:
من ح/ ديون مشكوك في تحصيلها
الي ح/ مخصص ديون مشكوك في تحصيلها .
رابعا: مخصص اهلالك الاصول الثابته( مهم):
وده مثلا لو عندي سياره لتوزيع البضائع فأكيد لما اشتريتها كانت جديده لكن مع الاستخدام بتبتدي تستهلك وقيمتها بتقل لحد ما تتلف نهائيا . بالتالي بحدد العمر الانتاجي لها( عدد سنوات الافاده)
وبحدد قيمه بيعها ( القيمه التخريديه) عشان اقدر اعمل مخصص احتجزه من الارباح لمده سنوات عمر الافاده وبالتالي استطيع شراء السياره مره اخري
تعليقات
إرسال تعليق