مبادئ المحاسبه ودي جزئيه هامه جدا جدا!!
اولا : مبدأ التكلفه التاريخيه ودي معناها اني بسجل العمليات بناء عالتكلفه الفعليه يعني لو جبت سياره ب١٠٠الف بسجلها ب١٠٠الف حتي لو سعرها ف السوق قل بردو مينفعش اسجلها غير بالتكلفه اللي اشتريتها بيها .
ثانيا: مبدأ المقابله وده معناه مقابله الايرادات والمصروفات التي تخص الفتره يعني مثلا نفترض ان المبيعات كانت ب٥٠٠ وتكلفه المبيعات ٢٠٠ وعندي مصروفات اداريه ب١٠٠ اذن مجمل الربح ٥٠٠-٢٠٠=٣٠٠ بطرحها من المصروفات وهي ١٠٠ اذن صافي الربح ٢٠٠وهو ده اللي بنسجله .
ثالثا: مبدأ الثبات وهو اني لما استخدم اي طريقه من طرق المحاسبه لازم اثبت عالطريقه دي ومينفعش اغيرها الا لظروف طارئه يعني لو بستخدم نظام الجرد الدوري او طريقه القسط الثابت اثبت علي هذه الطريقه السنه دي والسنه اللي بعدها وهكذا ولو حصل وغيرت الطريقه لازم افصح عن هذه التغيرات في القوائم الماليه .
رابعا: مبدأ الاستحقاق وهو اني بسجل العمليات الماليه بغض النظر عن الدفع النقدي او بغض النظر عن السداد او التحصيل وده عكس مبدأ المقابله يعني مثلا لو في تأخير في دفع رواتب الموظفين وعندي شهر ١٢هندفع الرواتب بتاعته في شهر واحد اذن لما اقفل الحسابات في ١٢/٣١ هسجل المصروفات المستحقه لرواتب الموظفين
من ح/ المصروفات
الي ح/ المصروفات المستحقه .
خامسا : مبدأ تحقق الايرادات وهو اني مسجلش الايرادات الا لو حصلت فعلا وتعتبر الايرادات متحققه في حاله وجود عمليه مبادله بين المنشأه والمنشأت الاخري او في حاله تقديم خدمه او تسليم مبيعات فعليا . يعني مثلا لو في عقد مقاولات مع شخص ينص علي بنود معينه مينفعش اسجل الايرادات الا لو حصلت فعلا.
وده حمايه لاصول الشركه ويساعد علي ضمان الدقه في تحديد الايرادات.
سادسا: مبدأ الحيطه والحذر وهو اني اخد في الحسبان الخسائر المتوقعه ومخدش ف الحسبان الارباح المتوقعه منعا لتضخيم الارباح الا بحدوث ارباح حقيقيه.مثلا لما اقيم المخزون بشوف تكلفته مثلا ١٠الالف وقيمته ف السوق ب٥الاف فأنا باخد بالقيمه الاقل يعني باخد الخساير ف الحسبان .
سابعا : مبدأ الافصاح: وده معناه اني افصح ف الميزانيه عن اي شئ يؤثر ف الميزانيه او بمعني اخر كما ذكرنا ف بوست امبارح ان لما المستفيدين من القوائم الماليه يحتاجو معلومات معينه اظهرلهم جميع المعلومات التي تساعدهم في اتخاذ القرارات وعدم حجب اي معلومات عنهم لضمان الثقه في اداء المنشأه
تعليقات
إرسال تعليق