تعريف الاصول والخصوم وانواعهم:
اولا الاصول : وهي كل ما تمتلكه الشركه .ولها٣انواع :
(اصول ثابته- اصول متداوله - اصول اخري غير ملموسه).
اولا : الاصول الثابته: وهي كل اصل ملموس تمتلكه الشركه بغرض الاستفاده منه علي المدي الطويل يعني عشان تستخدمها مش تبيعها مثل:
١- المباني ٢- الاراضي ٣- الالات والمعدات ٤- السيارات ٥- الاثاث والتجهيزات ٦- الاصول الملموسه الاخري
كل هذه الاصول تمتلكها الشركه كي تستهلكهم وليس بهدف بيعهم مثلا لو لو كانت الشركه لبيع السيارات وعندها خمس سيارات معروضه للبيع وسياره واحده تستخدمها الشركه اذن الاصول الثابته هنا هي السياره الواحده التي تستهلكها الشركه اما الخمس سيارات هما مخزون او بضاعه للشركه لكي تبيعهم .
وهكذا مثلا المباني لو الشركه تتاجر بالمباني اذن الاصول الثابته هي فقط المبني الذي تستخدمه الشركه .
ثانيا : الاصول المتداله : وهي الاصول التي تمتلكها المنشأه بهدف استخدامها خلال فتره معينه سنه او اقل .
وانواعها: ١- المخزون ( البضاعه اللي ف المنشأه)
٢- النقديه سواء اللي ف الخزينه (ح / الصندوق ) او اللي ف البنك ( ح/ البنك)
٣- اوراق القبض( شيكات وكمبيالات مسحوبه لصالح المنشأه) يعني لو عميل اشتري من عندي بضاعه بشيك يستحق القبض خلال شهر اذن هذا الشيك لصالح المنشأه ولكن مينفعش اصرفه غير في موعد استحقاقه.
٥- حساب العملاء (المدينين) ٦- المصروفات المقدمه ٧- الايرادات المستحقه القبض ٨- الاستثمارات قصيره الاجل (شراء اسهم بالبورصه ) .
مثال عالاصول المتداوله : مثلا لو منشأه لبيع السيارات وعندها خمس سيارات معروضه للبيع وسياره واحده تستخدم للمنشأه اذن الخمس سيارات ( المخزون او البضاعه) هي الاصول المتداوله يعني اللي بتستخدمهم المنشأه خلال مده زمنيه قصيره بهدف بيعهم .
ثالثا: الاصول الاخري غير الملموسه : زي ١-مصاريف التأسيس اللي بتحطها المنشأه لحين التجهيز لنشاطها ٢- براءه الاختراع ٣- شهره المحل.
ثانيا : الخصوم : وهي التزامات المنشأه تجاه الغير ( اي حد غير الملاك) ويتوجب عليها السداد خلال فتره زمنيه معينه . وتتكون من :
اولا: خصوم قصيره الاجل: وهي الالتزامات التي يجب سدادها خلال سنه او اقل مثل ١- اوراق الدفع قصيره الاجل ( يتم سحبها علي المنشأه لصالح الغير) يعني مثلا انا صاحب شركه واشتريت بضاعه بالاجل واديت لصاحب البضاعه شيك يستحق القبض خلال شهر اذن لازم او في التزام عليا اني احط قيمه البضاعه ف البنك لحد ما يجي صاحب البضاعه وياخد قيمتها .
٢- القروض قصيره الاجل يعني اخدت قرض وهسدده خلال سنه او اقل .٣- حساب الموردين ٤- اي تأمينات للغير يجب سدادها خلال سنه او اقل .
ثانيا : خصوم طويله الاجل وهي التزامات يمكن سدادها خلال اكتر من سنه مثل ١- قروض طويله الاجل ٢- اوراق الدفع طويله الاجل مثل السندات والكمبيالات او الشيكات اللي تستحق قبضها خلال اكتر من سنه
تعليقات
إرسال تعليق